The news is by your side.

முதல்வர் ஜெயலலிதாவின் உடல் M.G.R சமாதி அருகே நல்லடக்கம் video

0 37

jj-amma-cmஉடல்நலக் குறைவால் நேற்று உயிரிழந்த முன்னாள் முதல்வர் ஜெயலலிதாவின் உடல் போயஸ் கார்டனில் அவர் வாழ்ந்த வேதா இல்லத்தில் இருந்து , மக்கள் அஞ்சலி செலுத்துவதற்காக ஓமந்தூரார் தோட்டத்தில் உள்ள ராஜாஜி ஹாலுக்கு எடுத்து செல்லப்பட்டது. ராஜாஜி அரங்கில் வைக்கப்பட்ட ஜெயலலிதா உடல் மீது படை வீரர்கள் மூவர்ண தேசியக் கொடியை போர்த்தி அஞ்சலி செலுத்தினர். அங்கு உள்ள அமைச்சர்கள் மற்றும் முக்கிய பிரமுகர்கள் முதலில் அஞ்சலி செலுத்தினர். பின்னர் அங்கு கூடியுள்ள ஆயிரக்கணக்கான தொண்டர்கள் மற்றும் மக்கள் வரிசையில் நின்று அஞ்சலி செலுத்தி வருகின்றனர். முன்னதாக தமிழக முதல்வர் ஜெயலலிதா உடல்நலக் குறைவு காரணமாக சென்னை அப்பல்லோ மருத்துவமனையில் காலமானதாக அதிகாரப்பூர்வமாக அறிவிக்கப்பட்டது. முதலமைச்சர் ஜெயலலிதா (68) உடல்நலக் குறைவு காரணமாக அப்பல்லோ மருத்துவமனையில் சிகிச்சை பலனின்றி காலமானார். இதயம் செயலிழந்ததால் ஜெயலலிதா மரணமடைந்ததாக மருத்துவமனை நிர்வாகம் அறிவித்தது. இதனால் மருத்துவமனை முன் கூடியிருந்த ஆயிரக்கணக்கான தொண்டர்கள் கதறி அழுதனர்.

பின்னர் அப்பல்லோ மருத்துவமனையில் இருந்து, போயஸ் தோட்டத்தில் உள்ள அவரது வேதா இல்லத்திற்கு ஜெயலலிதாவின் உடல் கொண்டு வரப்பட்டது. அவரது உடல் கொண்டு வரப்பட்ட வாகனத்தை கண்டதும் போயஸ் தோட்டம் இல்லம் அருகே கூடியிருந்த அதிமுக தொண்டர்கள் கண்ணீர் விட்டு கதறி அழுதனர். போயஸ் கார்டன் கொண்டு வரப்பட்ட ஜெயலலிதாவின் உடலுக்கு குடும்ப சம்பிரதாயப்படி சடங்குகள் நடத்தப்பட்டது. பின்னர் திட்டமிட்டப்படி மக்கள் அஞ்சலி செலுத்துவதற்காக சென்னை ஓமந்தூரார் தோட்டத்தில் உள்ள ராஜாஜி ஹாலுக்கு ஜெயலலிதாவின் உடல் கொண்டு செல்லப்பட்டது. ஜெயலலிதாவின் உடலுக்க அங்கு கூடியருக்கும் பல்லாயிரக் கணக்கான தொண்டர்களும், மக்களும் கண்ணீர் அஞ்சலி செலுத்தி வருகின்றனர். மக்கள் அஞ்சலி செலுத்திய பின் மாலை 4.30 மணியளவில் மெரினா கடற்கரையில் உள்ள M.G.R சமாதி அருகே அவரது உடல் நல்லடக்கம் செய்யப்பட உள்ளது.

Leave A Reply

Your email address will not be published.